Buvayda tumanidagi “Mega Park” istirohat bog‘i oldida O‘zbekistonda xizmat ko‘rsatgan artist Yahyobek Mo‘minov ishtirokida jonli konsert dasturi bo‘lib o‘tdi. Mazkur tadbir “Dolzarb 90 kunlik” doirasida aholi uchun madaniy-ma’rifiy muhitni boyitish, yoshlar va fuqarolarning dam olishini mazmunli tashkil etish maqsadida tashkil etildi. Konsert davomida sevimli san’atkor tomonidan ijro etilgan dilbar qo‘shiqlar, jonli estrada taronalari tomoshabinlarda katta taassurot qoldirdi. Tadbir ko‘tarinki ruhda o‘tib, yuzlab fuqarolarning xotirasida unutilmas lahzalarni muhrladi. Mazkur madaniy tadbir Buvayda tumanida “Dolzarb 90 kunlik” doirasida olib borilayotgan ishlarga aholi tomonidan ijobiy baho berilayotganining amaliy ifodasidir.