Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Энг билимдон ўқувчилар моддий рағбатлантирилди
2022-11-03 18:37:38 233
Бағдод тумани халқ таълими бўлими тасарруфидаги 45-умумий ўрта таълим мактабида жорий ўқув йилининг дастлабки чораги якунлари таҳлил қилинди.
"Наврўз" маҳалла фуқарлар йиғини раиси Зайлобиддин Шукуров ҳамда мактаб директори Ихтиёржон Aбдиғаппоров ташаббуси билан ўқув йили аввалида “Энг билимдон ўқувчи" стипендияси таъсис этилган эди. Бу эса, ўқувчи ёшлар ўртасида соғлом рақобат муҳити шаклланишига, билимдонлар сафининг кенгайишига сезиларли даражада туртки берди.
МФЙ раиси ҳамда мактаб директори стипендияси ғолиблиги учун дастлабки босқичда 5-9-синфлардан 50 нафар ўқувчи саралаб олинди ва бугунги сарҳисобда уларнинг 3 нафари энг юқори натижа қайд этиб, моддий рағбатлантириш учун муносиб топилди.
Таҳлилларга кўра, фанларни пухта ўзлаштириши ҳамда намунали хулқ-атвори учун 8-"А" синф ўқувчиси Н.Абдуллажонова биринчи ўринни қўлга киритди ва 350 минг сўм миқдорида бир марталик пул мукофотига эга бўлди. 5-"Б" синф ўқувчиси Р.Қосимова иккинчи, 8-"А" синфининг яна бир аълочи ўқувчиси М.Юсуфжонова эса учинчи ўринга муносиб кўрилди. Уларга мос равишда 200 минг сўм ва 150 минг сўм миқдоридаги бир марталик пул мукофотлари тантанали тарзда топширилди.
Маҳалла ва таълим муассасаси ўртасидаги бундай эзгу ташаббус ўқув йилининг келгуси чоракларида ҳам давом эттирилади.
Бағдод тумани ҳокимлиги Ахборот хизмати.
