1. Bosh sahifa
2. Yangiliklar

"Онамнинг мурожаати 2 соатда ижобий ҳал бўлди!"

×

Бағдод туманинг "Миришкор" маҳалла фуқаролар йиғинида яшовчи Муҳтасархон Неъматжонова бичиш-тикишни ўзлаштириб олганига кўп бўлгани йўқ. Маҳалладаги уста-чевардан ушбу ҳунарни ўрганиб, энди мустақил фаолият бошлашни дилига тугиб юрганди. Аммо оилада янги тикув машинасини сотиб олиш учун маблағ йўқлиги Муҳтасарни ўйлантириб келаётган эди.

- Кеча уйимизга туманимиз ҳокими келиб, яшаш шароитларимизни кўздан кечирган эканлар. Қўшимча даромад топиб, рўзғорни юритиш учун қандай ёрдам берайлик, деб сўрашганда, онам иккиланмасдан тикув машинаси сўрабди. Ишонсангиз, мурожаатимиз 2 соатда ижобий ҳал бўлди. Масъуллар туманимиз ҳокими номидан тикув машинасини топширишди. Жудаям хурсанд бўлдик, барака топишсин. Ана энди мен ҳам ўз меҳнатим билан рўзғорга ҳисса қўшаман, - дейди Муҳтасархон. 

Бағдод тумани ҳокимлиги Ахборот хизмати.