1. Bosh sahifa
2. Yangiliklar

Чўлюнусда электр таъминоти яхшиланади

×

Бағдод туманининг "Чўлюнус" маҳалла фуқаролар йиғини таркибидаги Орзу кўчасида электр таъминотини яхшилашга қаратилган амалий ишлар бошланди. Аввалроқ, ҳудуд аҳолиси туман ҳокимининг қабулида бўлиб, мавжуд муаммоларни бартараф этишда ёрдам сўраган эдилар.

- Туманимиз ҳокими Юсуфжон Хусаиновнинг топшириқлари асосида, Чўлюнусда электр энергияси таъминотини яхшилаш бўйича иш бошладик, - дейди электр таъминоти корхонаси бошлиғи Давлатжон Собиров. - Фуқаролар мурожаатига асосан, ҳомийлик маблағлари ҳисобига, 160 кВА ли битта трансформатор ўрнатилади. Бундан ташқари, маҳаллий бюджет маблағлари ҳисобидан 10 дона темир-бетон таянчлар, корхонамиз ҳисобидан эса трауслар ўрнатиш ва тармоқ тортиш кўзда тутилган.

Д.Собировга кўра, режадаги ишлар тўлиқ якунлангач, 200 дан зиёд хўжаликда таъминот яхшиланади.

Бағдод тумани ҳокимлиги Ахборот хизмати.