Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Чуваланчи маҳалласида ифторлик дастурхони ёзилди
2023-04-05 17:26:02 239
Президентимизнинг 2023 йил 21 март куни қабул қилинган “Муборак Рамазон ойини муносиб тарзда ўтказиш тўғрисида”ги қарори инсон қадрини улуғлашдек эзгу мақсадни ўзида мужассам этгани билан ҳам аҳамиятлидир. Қарорда Рамазон ойини миллий анъана ҳамда қадриятларга мос ва муносиб тарзда ўтказишга доир чора-тадбирларни амалга ошириш белгиланган.
Қарорда белгилаб берилган вазифалар ижроси доирасида Бағдод туманидаги ҳар бир маҳаллада эҳтиёжманд аҳоли вакиллари, ногиронлиги бўлган, бетоб кишилар ва нуронийлар учун ифторлик дастурхонлари ёзилмоқда.
"Маҳалла" хайрия жамоат фонди кўмагида ўтказилган ана шундай ифторлик тадбири Чуваланчи маҳалласида яшовчи рўзадорлар учун ҳам ташкилланди.
Тўкин дастурхон атрофида йиғилганлар Ватанимизга тинчлик, жойларда амалга оширилаётган улкан ислоҳотларга бардавомлик, ҳар бир хонадонга файзу барокат тилаб, дуолар қилдилар.
Бағдод тумани ҳокимлиги Ахборот хизмати.
