Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
"541-ТПнинг дастидан дод" деган гаплар энди бўлмайди
2023-09-09 16:13:12 203
Бағдод тумани электр таъминоти корхонаси тасарруфидаги 541-сонли трансформатор пункти "Миришкор" маҳалла фуқаролар йиғини ҳудудида жойлашган. 160 кВА қувватга эга бўлган ушбу қурилма орқали 120 га яқин аҳоли хонадони ва 10 дан зиёд тадбиркорлик субъектига электр энергияси етказиб берилади.
Бироқ кейинги пайтларда бу трансформаторнинг ҳам "қилиғи" чиқиб қолувди: салгина шабада эссами ё ёмғир сепаласами, тамом, бундаги симлар узилиб, электр жиҳозлар эриб кетаётганди. Оқибат эса маълум - алламаҳалгача хонадонлар зим-зиё, кўнгиллар хира, асаблар таранг...
Тегирмон навбати билан экан, мана, 541-ТП ҳам мукаммал таъмирдан чиқарилди. Бунда, трансформаторнинг мой сатҳини ростлаш, бўяш ва монтаж ишлари бажарилди. Чувалашиб кетган симлар тартибга келтирилди, носоз жиҳозлар янгисига алмаштирилди.
Хулласки, "541-ТПнинг дастидан дод" деган гаплар узо-о-оқ вақтларгача қулоққа чалинмайди, энди.
Бағдод тумани ҳокимлиги Ахборот хизмати.
