1. Bosh sahifa
2. Yangiliklar

#Тафсилот: БАҒДОДДА ПИЛЛА ТЕРИЛМОҚДА

×

Бағдод туманида “Бир боқувчига бир қути” тамойили асосида ипак қурти парваришланган эди. Эртанги, биринчи боқувда 3274 қутидаги ипак қуртидан 196 тонна пилла олишга эришилди ва туман режаси бажарилган.

Кечки, 2-боқувга ҳам астойдил бўлган пиллакорларимиз 250 қутидаги ипак қуртидан 15 тонна пилла териб олшни мақсад қилганлар.

Бугун туман Оила ва хотин-қизлар бўлими бошлиғи Тўлқиной Тожиева, туман “Агропилла” МЧЖ раҳбари Рўзимуҳаммад Пўлатовлар “Самандарак” МФЙ да истиқомат қилувчи Салимжон Олимов хонадонида бўлиб пилла теримчиларига совғалар улашди.

- Куз фаслида ипак қуртини парваришлаш ва кўзланган пиллани териб олиш бу катта иштиёқ талаб этади. Миллатимизга, фитратимизга сингиган қурт боқиш, пилла териш одатларимиз аслида ўзгача қувонч ҳам беради аёл-қизларимизга. Сизлардан миннатдормиз. Хирмонга барака – деди Т.Тожиева.

Бағдод тумани ҳокимлиги Ахборот хизмати (https://t.me/bagdodim_news)