1. Bosh sahifa
2. Yangiliklar

#Жараён: Бағдод туманидаги "Аъло" тантаналар мажмуасида Ички ишлар органлари ходимлари куни муносабати билан байрам тадбири бўлиб ўтди.

×

Тадбир аввалида туман ҳокими Ғанижон Солиев сўзга чиқиб, барчани байрам билан қутлаб, ушбу соҳада фаолият юритаётган ходимларнинг ота-оналари, устозлари ва оила аъзоларига ўз миннатдорчилигини билдирди.

- Юрт тинчлиги, равнақи, халқ фаровонлигини ички ишлар ходимларисиз тасаввур этиб бўлмайди. Ўз бурчингизни англаб, амалга ошираётган фидокорона меҳнатингиз учун самимий миннатдорлик билдираман.

Туманимиз эришаётган барча жабҳалардаги ютуқларда туман ИИБ бошлиғи, 3- сектор раҳбари, подполковник Фахриддин Ҳайитов бошчилигидаги ички ишлар ходимларининг ҳам меҳнатлари бор, десам муболаға бўлмайди – деди туман ҳокими.

Шундан сўнг соҳада ютуқларга эришиб келаётган бир гуруҳ ходимларга туман ҳокимининг фахрий ёрлиғи ва қимматбаҳо совғалари топширилди.

Туман Маданият бўлими хонандаларининг куй-қўшиқлари барчага хуш кайфият бағишлади.

Бағдод тумани ҳокимлиги Ахборот хизмати (https://t.me/bagdodim_news)