1. Bosh sahifa
2. Yangiliklar

Маҳаллий кенгаш ҳузурида “Халқпарвар” комиссияси тузилди

×

Олий Мажлис Сенати Кенгашининг жорий йилнинг 15 март кунги қарорига мувофиқ, халқ депутатлари Бағдод тумани Кенгаши ҳузурида “Халқпарвар” комиссияси иш бошлади.

Комиссия таркиби фаол депутатлар, тадбиркорлар, банк муассасалари раҳбарлари, маҳалла ва оилани қўллаб-қувватлаш бўлими расмийлари, нуронийлар, хотин-қизлар ва ёшлар вакиллари, оммавий ахборот воситалари ходимлари ва блогерлар эвазига шакллантирилди.

Мазкур комиссия аъзолари тизимли жамоатчилик назоратини юритади. Хусусан, Ўзбекистон Республикаси Президентининг “Бозор тамойилларига асосланган ипотека кредитларини ажратиш орқали аҳолини уй-жой билан таъминлашга оид қўшимча чора-тадбирлар тўғрисида”ги 6186-сонли Фармонида кўрсатиб ўтилган вазифалар ижросининг қай даражада таъминланишини эркин кузатиш ва танқидий таҳлил қилиб бориш ваколати “Халқпарвар” комиссияси аъзоларига берилди.

 Бағдод тумани ҳокими Восилжон Назаров тумандаги комиссия аъзоларини қабул қилди. Қабул давомида “Халқпарвар” комиссияси жорий этилишининг ижтимоий аҳамияти хусусида фикр алмашилди.

 Бағдод тумани ҳокимлиги Ахборот хизмати.