Shrift o'lchami Rang Rasm

<< Mart 2024 >>
DUSECHPAJUSHYA
    123
45678910
11121314151617
18192021222324
25262728293031

Yangiliklarga obuna bo'lish


Hozir saytda 5 nafar foydalanuvchi Ishonch telefoni statistikasi

ИРҒОЛИДА ИЧИМЛИК СУВ ТАЪМИНОТИ ЯХШИЛАНАДИ

×

 2022-05-11 20:25:17    290

PDF yuklash
Chop etish


Бағдод туманининг “Ирғоли” маҳалла фуқаролар йиғини таркибидаги Катта йўл кўчасида юздан ортиқ хўжаликни ичимлик суви билан таъминлаб келаётган сув минорасида аввалроқ айрим носозликлар юзага келган, оқибатда, маҳаллий аҳоли чамаси 1 км узоқликдан сув ташиб, ўз эҳтиёжини қондиришга мажбур бўлаётган эди. Айни дақиқаларда бу манзилда таъмирлаш-созлаш ишлари якунланиш арафасида. Бу ҳақда “Фарғона сув таъминоти” масъулияти чекланган жамиятининг туман филиали бошлиғи Зафаржон Усмонов маълум қилди.

- Носозликлар тўлиқ бартараф этилди. Бунинг учун вилоят бошқарувидан алоҳида техник воситалар жалб қилинди. Қишлоқ аҳолиси ҳам яқиндан кўмак берди бизга. Бу ичимлик сув қудуғи ва минораси яна кўп йиллар давомида маҳалла аҳлига хизмат қилади, худо хоҳласа, - деди З.Усмонов.

Бир неча кун аввал ижтимоий тармоқларда туман марказидаги Маҳзуна кўчасидан ўтувчи ичимлик сув қувурларида техник шикастланиш юз бергани тўғрисида ҳам мурожаат эълон қилинган эди. Масъулларнинг ишонтиришича, бу муаммо ҳам ижобий ҳал этилган.

Бағдод тумани ҳокимлиги Ахборот хизмати.