Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Кексалар ҳолидан хабар олинди
2022-10-06 17:19:34 246
Бағдод туманидаги 37-умумий ўрта таълим мактаби директорининг маънавий-маърифий ишлар бўйича ўринбосари Мактубахон Аҳмедова ҳамда ижодий-маданий масалалар бўйича тарғиботчи Барчиной Аҳмадалиева мактабнинг фаол ўқувчилари билан биргаликда “Саховат” маҳалла фуқаролар йиғини ҳудудида яшовчи бир гуруҳ нуронийлар ҳолидан хабар олдилар.
Кексалар ҳафталиги доирасида ташкил этилган мазкур йўқлов 100 ёш билан бўйлашаётган Абдували ота ва Чўлпоной момонинг қаддини осмон қадар юксалтирди. Турли соҳаларда узоқ йиллар меҳнат қилиб, бугунги кунда қарилик гаштини сураётган, фарзандлари ва набиралари ардоғида бўлган нуронийлар кўрсатилган ҳурмат-эҳтиромдан мамнун бўлишди.
Ташриф давомида улар босиб ўтган ҳаёт йўллари ҳақида самимий суҳбатлашилди, бугунги тинч ва осуда замонага шукроналар айтилди, юрт тинчлигини тилаб эзгу дуолар қилинди.
Нуронийларга мактаб маъмуриятининг эсдалик совғалари топширилди.
Бағдод тумани ҳокимлиги Ахборот хизмати.
