Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Самандараклик Муҳаммаддиёр мамлакат терма жамоасига қабул қилинди
2023-03-03 17:40:56 265
Пойтахтимиздаги "Универсал" спорт мажмуасида каратэ WKF бўйича ўсмирлар, ёшлар ва катталар ўртасида Ўзбекистон кубоги мусобақалари якунланди. Эътиборлиси, ушбу нуфузли мусобақада Бағдод туманининг "Самандарак" маҳалла фуқаролар йиғинида яшовчи Муҳаммаддиёр Обобакиров 67 килограммгача бўлган иштирокчилар ўртасида (яккалик кумите) 1-ўринни қўлга киритди.
Ўзбекистон Республикаси Ёшлар сиёсати ва спорт вазирлиги, Миллий олимпия қўмитаси, Спорт якка курашлари бўйича Республика Олий спорт маҳорати мактаби ҳамда Ўзбекистон каратэ миллий федерацияси ҳамкорлигида ташкил этилган мусобақада 1000 дан зиёд спортчи қатнашгани хабар қилинмоқда.
Мамлакат кубоги якунларига кўра, катталар, ёшлар ва ўсмирлардан иборат Ўзбекистон миллий терма жамоасининг янги таркиби шакллантирилади. Қувонарли жиҳати шундаки, Муҳаммаддиёр ўз ғалабаси эвазига терма жамоа сафига қабул қилинди ва у сафдошлари билан Осиё чемпионатига тайёргарлик кўришни бошлади.
Бағдод тумани ҳокимлиги, Ёшлар ишлари агентлиги туман бўлинмаси ҳамда туманимиз спорт жамоатчилиги номидан Муҳаммаддиёрни, унинг устозлари ва яқинларини муносиб ғалаба билан самимий қутлаймиз.
Бағдод тумани ҳокимлиги Ахборот хизмати.
