Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
"Мурувват" маҳалла фуқаролар йиғинида сув қудуғини қазиш бошланди
2023-03-16 17:56:17 280
Бағдод туманининг "Мурувват" маҳалла фуқаролар йиғинида 650 та хонадон мавжуд ва уларнинг ҳеч бирига шу вақтга қадар ичимлик суви тармоқлари кириб бормаган эди. Давлатимиз раҳбарининг 2022 йил 25 октябрдаги "2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида"ги 408-сонли Қарорига мувофиқ, айни кунларда ҳудудни ичимлик суви билан таъминлаш бўйича қизғин жараёнлар давом этмоқда. Бунинг учун давлат умумғазнасидан 3 млрд. 535,8 млн. сўм маблағ ажратилган.
Маҳалла раиси Ўктамжон ака Ғаниевнинг айтишича, лойиҳада ҳудуддаги Кенагас, Ҳалоскор, Афросиёб ва Кўркам водий кўчалари бўйлаб 5 километр тармоқ тортиш, 2 та сув қудуғи қазиш ва 2 та сув минораси ўрнатиш кўзда тутилган.
Айни пайтда биринчи сув қудуғини қазиш ва монтаж ишлари давом этмоқда.
Бағдод тумани ҳокимлиги Ахборот хизмати.
