Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Полвонлари кўп юрт қудратли бўлур
2023-04-05 18:23:16 181
Бағдод тумани “Марказий” ўйингоҳида “Полвонлари кўп юрт қудратли бўлур” шиори остида спортнинг кураш ва белбоғли кураш турлари бўйича мусобақа ўтказилди.
Фарғона вилояти ҳокимлиги ҳамда вилоят прокуратураси ташаббуси билан ташкилланган мазкур мусобақада маҳаллаларда истиқомад қилувчи 100 нафарга яқин ҳаваскор курашчилар қатнашди.
Эркаклар кураш бўйича 60, 66, 73 ва +73, белбоғли кураш бўйича эса 66, 81 ва +81 кг вазн тоифаларида гиламга кўтарилган бўлсалар, аёллар 57 ва 70 кг вазн тоифасида кураш баҳсларида, 58 кг вазн тоифасида белбоғли кураш баҳсларида ғолиблик учун бел олишди.
Муросасиз кечган мусобақа якунида ғолиб ва совриндорларга туман ҳокимлиги ҳамда туман прокуратураси томонидан тегишли дипломлар, медаллар ва эсдалик совғалари билан тақдирландилар.
Ғолиб ва совриндорларни тақдирлаш маросимида туман прокурори Акмалжон Ҳасанов иштирок этди.
Бағдод тумани ҳокимлиги Ахборот хизмати.
