Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Хотин-қизлар фаолларининг психологик билимларини оширишга қаратилган ўқув семинари ўтказилди
2023-08-03 18:08:12 237
Бағдод туманида “Хотин-қизлар фаолларининг психологик билимларини шакллантириш” мавзусида ўқув семинари ўтказилди. Унда тумандаги 59 та маҳалла фуқаролар йиғинларида фаолият олиб бораётган хотин-қизлар фаоллари иштирок этди.
Хотин-қизлар фаолларининг психологик билимларини оширишга қаратилган семинарда Ўзбекистон Психологлар ассоциацияси аъзолари - Гулнорахон Умарова ҳамда Зилолахон Шарипова қатнашиб, фуқаролар билан ишлаш жараёнида эътибор қаратиш зарур бўлган масалалар юзасидан маърузалар қилишди.
Семинар-тренингда хотин-қизлар фаолларининг психологик билимларини шакллантириш, фуқаролар билан ишлашда низоли вазиятларнинг олдини олиш, нотинч оилалар билан ишлаш, руҳий тушкунликка тушган шахсларга биринчи ёрдам кўрсатиш каби махсус кўникмалар берилди.
Семинар якунида хотин-қизлар фаолларини қизиқтирган саволларга мутахассислар томонидан тегишли жавоблар берилди.
Бағдод тумани ҳокимлиги Ахборот хизмати.
