1. Bosh sahifa
2. Yangiliklar

Янги нашр этилган китоблар совға қилинди

×

Китоб - билим ўчоғи. Айниқса, тарбиячиларнинг маънавий олами ва тафаккурини бойитишда китоб муҳим аҳамиятга эга. Чунки келажак авлодларимизнинг билимлари пойдеворини айнан шу тарбиячиларга ишонганмиз.

Бугун Республика Маънавият ва маърифат маркази Бағдод тумани бўлинмаси раҳбари Исломжон Аҳмедов “Ўзбекистон” маҳалласида жойлашган 6-сонли ва “Самандарак” маҳалласидаги 11-сонли Давлат мактабгача таълим ташкилотларида бўлиб, ходимлари иштирокида “Китоб ва китобхонлик – инсон маънавияти кўзгуси” мавзусида ташкилланган давра суҳбатларида қатнашди.

Таъкидландики, оиланинг бирламчи ва бевосита вазифаси, маънавият тили билан айтганда, муқаддас вазифаси – инсониятнинг занжирини соғлом ва иқтидорли авлодлар билан улаб боришдан иборатдир! Бу – ҳамма миллат, ҳамма давлат, ҳамма халқлар зиммасидаги шарафли вазифа.

Давра суҳбатлари якунида, бўлинма ташаббуси билан чоп этилган янги китоблар тарбияланувчилар ва уларнинг меҳрибон устозларига совға қилинди.

Бағдод тумани ҳокимлиги Ахборот хизмати.