1. Bosh sahifa
2. Yangiliklar

Бағдодда “Оқила аёллар” ҳаракати аъзолари пахта йиғим-теримида фаол қатнашмоқдалар

×

Бағдод туманида “Оқила аёллар” ҳаракатининг аъзолари ташаббус кўрсатишиб, пахта йиғим-теримида фаол қатнашмоқдалар.

Ташаббускор аёллар бугун тумандаги “Муҳаммадазиз Муслимбек” фермер хўжалиги дала майдонларида қизғин давом этган йиғим-терим ишларида иштирок этиб, мўл хирмонга жами 2 минг 127 килограмм миқдорида ҳисса қўшдилар.

Уюшқоқлик билан давом этаётган мавсумда хўжалик аъзолари ва кўнгилли теримчиларга кўмак беришга чиққан онахонлар ўз ташаббус ва ғайратлари билан кўпчиликка намуна бўлишмоқда.

Дала четида теримчи-ҳашарчилар билан самимий суҳбат ташкилланди, илғорлар муносиб тақдирланди, хирмонларга барака, юртга тинчлик-омонлик истаб дуои фотиҳалар қилинди.

Туман ҳокими ўринбосари, оила ва хотин-қизлар бўлими бошлиғи Тўлқиной Тожиеванинг маълум қилишича, бугунги теримда қатнашганларга терим пуллари даланинг ўзидаёқ тарқатиб берилди.

- Бу – бир кунлик тадбир эмас, балки “Оқила аёллар” ҳаракати аъзоларининг эзгу ташаббуслари мавсум якунига қадар давом этади, - дейди Т.Тожиева.

Бағдод тумани ҳокимлиги Ахборот хизмати.