Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
БАҒДОДЛИК ЗИЁКОРЛАР БИР КИТОБГА ЖАМЛАНДИ
2019-10-26 16:09:14 1088
Бағдод тумани халқ таълими бўлими тизимидаги муассасаларда меҳнат қилиб, муносиб шон-шуҳрат қозонган фахрий педагоглар, айни пайтда соҳада самарали фаолият юритиб келаётган ўқитувчи-мураббийлар, иқтидорли ёшлар ҳамда таълим самарадорлигини оширишда яқиндан кўмак бериб келаётган фидойи инсонлар ҳақида ҳикоя қилувчи “Бағдод зиёкорлари” номли энциклопедик тўплам босмадан чиқди.
Мақсуджон Холматов раҳбарлиги ва муаллифлигида тайёрланган тўплам Муҳаммаджон Турсунов, Тўлқиной Тожиева, Тўлқинжон Каримов, Тоҳиржон Ҳамроқулов, Солижон Усмонов, Дилфузахон Каримова, Эминжон Каримов, Жаҳонгир Саримсоқов ва яна кўплаб ташаббускорлардан иборат ижодий гуруҳнинг 3 йиллик машаққатли меҳнатлари самарасидир.
Пойтахтдаги “Наврўз” нашриётида нашрга тайёрланган мазкур тўплам “IPAK YO`LI POLIGRAF” босмахонасида минг нусхада чоп этилди. Унинг тақдимот маросими яқин кунларда бўлиб ўтиши кутилмоқда.
Бағдод тумани ҳокимлиги
Ахборот хизмати.
