Ma’lumki, kutubxonalar azaldan ma’naviyat va ma’rifat maskani bo‘lib kelgan. Insoniyatning bebaho boyligi – yozma meros aynan kutubxonalar orqali bizgacha yetib kelgani hech kimga sir emas. Farg‘ona shahar 6-umumiy o‘rta ta’lim maktabining 1-"B" sinf o‘quvchilari ham ushbu qadriyatni asrab-avaylash, ilmga bo‘lgan ishtiyoqni mustahkamlash maqsadida maktab kutubxonasiga 22 ta turli janrdagi kitoblarni sovg‘a qildilar. Ushbu tashabbus kichik yoshdagi o‘quvchilarning kitobga mehrini oshirish, bilimga intilishlarini rag‘batlantirishga xizmat qilmoqda. Bu esa kelajak avlodning ma’naviy kamoloti yo‘lida muhim qadamlardan biri sanaladi.