Ushbu tadbir O‘zbekiston Respublikasi Prezidentining xalq bilan muloqot qilish, joylardagi muammolarni o‘rganish va ularni manzilli hal etish bo‘yicha topshiriqlari asosida amalga oshirildi. Qabul davomida turli vazirlik va idoralar, mahalliy hokimiyat organlari rahbarlari hamda mutasaddilar ishtirok etishdi. Tumanda yashovchi yuzlab fuqarolar o‘zlarini qiynayotgan masalalar, yer va uy-joy masalalari, ish bilan ta’minlash, tibbiyot, ta’lim, kommunal xizmatlar hamda ijtimoiy himoyaga doir masalalar bilan murojaat qilishdi. Har bir murojaat e’tibor bilan o‘rganilib, ularning bir qismi joyida hal etildi. Qolganlari bo‘yicha mutasaddi tashkilotlarga aniq vazifalar yuklatilib, nazoratga olindi. Ommaviy qabulning asosiy maqsadlari quyidagilardan iborat bo‘ldi: • Fuqarolarning muammolarini to‘g‘ridan-to‘g‘ri eshitish; • Masalalarni joyida hal qilish; • Mahalliy darajadagi muammolarga Respublika darajasida yechim topish; • Davlat organlari va fuqarolar o‘rtasidagi ishonchni mustahkamlash. Toshloq tumani aholisi Respublika ishchi guruhiga ushbu tashabbus uchun minnatdorchilik bildirdi va bunday sayyor qabullar doimiy ravishda o‘tkazilishini xohlashlarini izhor qilishdi.