Toshloq tumani hokimi Abduhaqqor Djuraboyevning navbatdagi fuqarolar qabuli o‘tkazildi. Qabul davomida tuman aholisi turli yo‘nalishlardagi muammo va takliflari bilan tuman rahbariga murojaat qilishdi. Fuqarolarning murojaatlari asosan ish bilan ta’minlash, uy-joy, sog‘liqni saqlash, ta’lim, elektr va suv ta’minoti, yo‘l hamda infratuzilma masalalariga oid bo‘ldi. Hokim tomonidan har bir murojaat diqqat bilan tinglanib, joyida hal etish imkoni bo‘lgan muammolar bo‘yicha tegishli mas’ullarga topshiriqlar berildi. Yechimini talab qiladigan masalalar esa nazoratga olindi. Bunday qabullar aholi bilan ochiq muloqotni yo‘lga qo‘yish, ularning muammolariga amaldagi yechim topishda muhim ahamiyat kasb etayotgani ta’kidlandi.