Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
ХОТИН-ҚИЗЛАР УЧУН САЙЁР ҚАБУЛЛАР ЎТКАЗИЛДИ
2022-07-04 16:56:47 455
“Аёллар дафтари”га киритилган хотин-қизларга “маҳаллабай” сайёр қабуллар орқали судлар томонидан ҳуқуқий ёрдам кўрсатиш ишлари давом этмоқда.
Ўзбекистон Республикаси Президентининг 2022 йил 28 январдаги “2022-2026 йилларга мўлжалланган Янги Ўзбекистоннинг тараққиёт стратегияси тўғрисида”ги ПФ-60-сонли Фармонида “Аёллар дафтари”ни юритиш орқали хотин-қизлар муаммоларини ҳал этиш тизимини янада такомиллаштириш белгиланган.
Ушбу фармон ҳамда Ўзбекистон Республикаси Президентининг “Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида”ги Фармони ижросини таъминлаш мақсадида жиноят ишлари бўйича Бағдод тумани суди раиси вазифасини бажарувчи А.Омонов, Фарғона вилоят суди судьяси Ф.Сидиқова, Фағона туманлараро маъмурий суди судьяси Э.Ортиқов ҳамда фуқаролик ишлари бўйича Риштон туманлараро суди судьяси О.Жиянов томонидан Бағдод туманидаги “Чўринди” ва “Пахтаобод” маҳалла фуқаролар йиғинлари биносида сайёр қабуллар ўтказилди.
Қабуллар давомида “Аёллар дафтари”га киритилган хотин-қизларга ҳуқуқий ёрдамлар кўрсатилди ва уларни қизиқтирган саволларга тегишли тартибда жавоб берилди.
Бағдод тумани ҳокимлиги Ахборот хизмати.
