Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Шўроқер маҳалласида 2 та янги трансформатор пункти ўрнатилиши эвазига 360 дан зиёд хонадонни сифатли электр энергияси билан таъминлаш кўзда тутилган
2023-04-08 16:56:41 151
Бағдод туманидаги қишлоқ ва маҳаллалар инфратузилмаси билан боғлиқ энг долзарб масалаларни тизимли ҳал этиш, ижтимоий соҳа ва бошқа инфратузилма объектларини яхшилашга қаратилган манзилли тадбирлар ҳудудларда жадал давом этмоқда.
Бу борада, давлатимиз раҳбарининг 2022 йил 25 октябрдаги “2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги қарорида белгиланган амалий тадбирлар натижасида кўп йиллик мавжуд муаммолар ҳал этилиб, маҳалла ва гўшалар кўркам қиёфа ҳам касб этмоқда.
Хусусан, айни қарор ижроси доирасида “Шўроқер” маҳалла фуқаролар йиғинида ҳам аҳоли хонадонларида электр таъминотини яхшилаш, тизимдаги мавжуд муаммоларни бартараф этиш чоралари кўрилмоқда.
Жумладан, маҳаллада 65 дона янги темир-бетон таянчлар ҳамда қуввати 160 кВА бўлган 2 та янги трансформатор пункти ўрнатилди. Лойиҳада, шунингдек, 1 минг 500 метр масофада замонавий турдаги СИП кабеллари - янги ҳаво тармоқлари тортилиши ҳам белгиланган.
Мазкур ишлар маҳалладаги 360 дан зиёд аҳоли хонадонларини сифатли электр энергияси билан таъминлаш имконини беради.
Бағдод тумани ҳокимлиги Ахборот хизмати.
