Фуқаролар йиғини раиси (оқсоқоли) сайлови юртимиз ҳаётидаги муҳим ижтимоий-сиёсий жараён саналади. Мазкур воқелик мамлакатимизда шаклланган демократик сайлов тизимининг узвий қисми бўлиб, унда фуқаролар ўз хоҳиш-иродасини эркин ифода этади. Бу жиҳатларга Ўзбекистон Республикасининг “Фуқаролар йиғини раиси (оқсоқоли) сайлови тўғрисида”ги қонунида алоҳида эътибор қаратилган. Шу ўринда таъкидлаш лозим, мазкур сайловда фуқароларнинг вакиллари, яъни маҳалладаги сайловда иштирок этиш ҳуқуқига эга бўлган фуқаролар умумий сонининг камида 12 фоизи овоз беради. Демак, ўртача ҳар 100 сайловчи номидан 12 вакил сайловда иштирок этади. Бағдод тумани ҳокимлиги Ахборот хизмати (https://t.me/bagdodim_news)