Bag‘dod tumani Maktabgacha va maktab ta’limi bo‘limi faollar zalida buyuk mutafakkir va davlat arbobi, so‘z mulkining sultoni Alisher Navoiy tavalludining 585 yilligiga bag‘ishlangan “Navoiyni angla — o‘zligimizni anglash” nomli adabiy-badiiy kecha bo‘lib o‘tdi. Mazkur tadbirda Bag‘dod tumani hokimligi, Qoʻqon davlat universiteti professorlari, ta’lim muassasalari rahbarlari, pedagoglar, yoshlar hamda adabiyot ixlosmandlari ishtirok etdilar. Kecha davomida buyuk shoirning bebaho adabiy merosi, uning insonparvarlik g‘oyalari, ma’naviy-axloqiy qarashlari va yoshlar tarbiyasidagi beqiyos o‘rni haqida atroflicha fikr-mulohazalar bildirildi. Shuningdek, Alisher Navoiy hayoti va ijodini aks ettiruvchi sahnalashtirilgan chiqishlar, she’riy o‘qishlar hamda badiiy kompozitsiyalar tomoshabinlarga havola etilib, ishtirokchilarda katta taassurot qoldirdi.