Бағдод туманида “Беш ташаббус олимпиадаси” доирасида футбол ва мини-футбол спорт турлари бўйича ДХХ кубоги мусобақаларига тантанали равишда старт берилди. Очилиш маросимида туман ҳокими ўринбосари Қахрамон Миртазақулов сўзга чиқиб кубок баҳслари иштирокчи жамоаларига омадлар тилади. Давлат мадҳияси янгради. Шундан сўнг қуръа ташлаш маросими бошланди. Унда ёш спортчилар, маҳалла ёшлар етакчилари ҳамда жамоалар сардорлари фаол қатнашдилар. Маросим давомида мусобақанинг тартиб-қоидалари иштирокчиларга яна бир бор тушунтирилди ва жамоалар ўз гуруҳларини аниқлаб олишди. Таъкидлаш лозимки, ДХХ кубогини ўтказишдан кўзланган мақсад ёшлар орасида спортни оммалаштириш ва соғлом турмуш тарзини тарғиб қилиш, шунингдек, уларни ватанга садоқат руҳида тарбиялашдан иборатдир. Бағдод тумани ҳокимлиги Ахборот хизмати (https://t.me/bagdodim_news)