Мустақиллигизизнинг 34 йиллиги арафасида Бағдод туманида истиқомат қилаётган кам таъминланган ва эҳтиёжманд оилаларнинг 10 нафар фарзанди учун хатна тўйи ташкил этилди. Тадбир “Настарин” хусусий боғча мудираси Раънохон Йўлчиева ташаббуси ва саховатпеша тадбиркорлар ҳомийлигида ўтказилди. Бағдод тумани ҳокимлигида кастюм-шим ва дўппи кийдирилган болажонлар тантанали равишда автомобилларда “Аъло” тантанагоҳига олиб борилди. Маросимда “Нуроний” жамғармаси туман бўлими раиси Машрабжон Ҳурбоев, Фарғона вилояти Мактабгача ва мактаб таълими бошқармаси бошлиғи Шерзоджон Долимов ҳамда туман ҳокими ўринбосари, Оила ва хотин-қизлар бўлими бошлиғи Ҳилолахон Қамбарова сўзга чиқди. Болалар ва уларнинг ота-оналарини бугунги шодиёна билан самимий муборакбод этар экан, болажонларнинг ҳар бирига велосипед ва эсдалик совғалари топширилди. Тўкин дастурхон атрофида жам бўлганларга Маданият бўлими хонандалари ижросидаги куй-қўшиқлар завқ улашди.