Бағдод туманида қувончли янгилик! Туманимиз пахтакорлари, 168 та фидоий фермерлари вилоятимизда илғорлар сафидан муносиб ўрин олдилар. Улар пахта тайёрлаш бўйича шартномавий режани ортиғи билан бажаришга муваффақ бўлдилар. Бугун бир неча ойлик тинмас меҳнат самараси ўлароқ, 4 минг 200 гектар майдонга серҳосил маҳаллий ва хорижий ғўза навлари экилиб, агротехник талаблар асосида парвариш қилинди ва 18 минг 100 тоннали “оқ олтин” хирмони яратиш вазифаси бажарилди. - Азиз пахтакорлар, фидоий фермерлар ва миришкор бободеҳқонлар! Мўл ҳосил олиш йўлидаги тинмас меҳнатингиз ва жасоратингиз чинакам мардлик, меҳнатга садоқат намунасидир. Барчангизни ушбу катта муваффақият билан чин қалбимиздан самимий табриклаймиз! - Бағдод тумани ҳокими Ғанижон Солиев Тумандаги масъул раҳбарларга, вилоят ИИБ раҳбариятига ҳамда "FERGHANA-SPINNING" МЧЖ пахта-тўқимачилик кластери раҳбариятига алоҳида миннатдорчилик билдирамиз. Бағдод тумани ҳокимлиги Ахборот хизмати (https://t.me/bagdodim_news)