Prezidentimiz Shavkat Mirziyoyev raisligida joriy yilning 23-yanvar kuni o‘tkazilgan videoselektor yig‘ilishida respublika bo‘yicha 903 ta “og‘ir” mahallaning bosh rejasini ishlab chiqish vazifasi belgilab berildi. Mazkur topshiriq ijrosi doirasida Bag‘dod tumanida mavjud bo‘lgan 7 ta og‘ir mahallada Farg‘ona davlat texnika universitetning Arxitektura va qurilish fakulteti dekani, mas’ul xodimlari hamda talabalari ishtirokida o‘rganish ishlari olib borilmoqda va master rejasi bo‘yicha amaliy takliflar ishlab chiqilmoqda. Olib borilayotgan tahlillar natijasida ushbu mahallalarni 24/7 asosida yashash va xizmatlar uzluksiz faoliyat yuritadigan, infratuzilmasi rivojlangan, zamonaviy va obod mahalla ko‘rinishiga keltirish ko‘zda tutilgan.