Мустақиллигимизнинг 34 йиллиги арафасида Бағдод тумани “Ултарма” маҳалласида замонавий хусусий клиника фойдаланишга топширилди. Тантанали очилиш маросимида туман ҳокими Ғанижон Солиев, кенг жамоатчилик вакиллари ҳамда тиббиёт ходимлари иштирок этди. 2 млрд. сўм маблағ эвазига қайта реконструкция қилиниб, замонавий тиббий жиҳозлар билан таъминланган “Ultarma Medical Clinic” да эндокринология, кардиология, неврология, терапия ҳамда лаборатория хизматлари йўлга қўйилган. Шунингдек, клиникада бир вақтнинг ўзида амбулатор шароитда 100 нафар, стационар шароитда эса 20 нафар беморни қабул қилиш имконияти мавжуд. Клиникада беморлар ва тиббиёт ходимлари учун барча қулайликлар яратилган. Малакали шифокорлар томонидан аҳолига сифатли тиббий хизмат кўрсатилади. — Бу клиника фаолияти орқали аҳолига ўз вақтида ва малакали тиббий ёрдам кўрсатиш имкони яратилади, — дейди клиника раҳбари Ахаджон Пайғамбарқулов.