Бағдод тумани Шўроқер маҳалла фуқаролар йиғинидаги 2-умумтаълим мактаби футбол майдони замонавий кўринишда қайта таъмирланиб, фойдаланишга топширилди. Очилиш маросимида туман ҳокими ўринбосари Қахрамонжон Миртазақулов, маҳалла еттилиги аъзолари ҳамда спортчи ёшлар иштирок этдилар. Тадбиркор Саидхон Рустамжонов ўз маблағлари ҳисобидан қарийб 300 млн. сўм сарфлаб, спорт майдонида ёритиш чироқлари, томчилатиб суғориш тизими, майдон четига тўр тўсиқлар ва спорт талабларига мос дарвозаларни ўрнаттирди. Шўроқер маҳалласи ёшлар етакчиси Муҳаммаджон Ҳошимжонов таъкидлашича, 14–30 ёш оралиғидаги 567 нафар йигит-қизлар учун мазкур майдон спорт билан мунтазам шуғулланиш имкониятини яратади. 📌 Маълумот учун: 2023–2024 йилларда Шўроқер маҳалласи ёшлари ДХХ кубоги доирасида футбол бўйича туман чемпионлигини қўлга киритган.