Бағдод туман ҳокимлигида Хитойнинг Юнан шаҳридан ташриф буюрган “Kunming Saturn Biological” компанияси раҳбари Чень Насинь ҳамда туман ҳокими ўринбосари Акмалжон Аширов иштирокида учрашув бўлиб ўтди. Мулоқот чоғида паррандачилик соҳасида сифатли, арзон ва самарали озуқа маҳсулотларини етказиб бериш масалалари бўйича музокаралар олиб борилди. Учрашувга Истиқлол кичик саноат зонасида паррандачилик фаолияти билан шуғулланувчи "Halol Chickens" МЧЖ раҳбари Ш.Хошимов ҳам таклиф этилди. Ташриф доирасида меҳмонлар мазкур корхонага бориб, унинг иш фаолияти билан яқиндан танишишди. Суҳбат ва ўрганишлар натижасида соҳада ўзаро ҳамкорликни йўлга қўйиш бўйича келишувга эришилди.