Yoshlar o‘rtasida sog‘lom turmush tarzini shakllantirish, ommaviy sportni rivojlantirish va ularni mazmunli band qilish maqsadida Farg‘ona tumanida sport tadbiri tashkil etildi. Mazkur maqsadlar doirasida Farg‘ona tumani Ichki ishlar bo‘limi hamda Farg‘ona tumani 2-son sport maktabi hamkorligida sportning voleybol turi bo‘yicha tuman birinchiligi musobaqasi bo‘lib o‘tdi. Bellashuvlar davomida yoshlar nafaqat sportdagi mahoratlarini namoyon etdilar, balki jamoaviylik, intizom, sog‘lom raqobat va hamjihatlik kabi ijtimoiy fazilatlarni ham mustahkamlashga erishdilar.