Yettinchi chaqiriq Xalq deputatlari Farg‘ona tuman Kengashining navbatdagi 7-sessiyasiga kiritilishi tavsiya etilayotgan masalalar hamda deputatlar faoliyatini samarali tashkil etish masalalari yuzasidan doimiy komissiyalarning qo‘shma yig‘ilishi tashkil etildi. Yig‘ilishga Ijtimoiy soha, yoshlar siyosati, madaniyat va sport masalalari bo‘yicha doimiy komissiya raisi Ozodaxon Dadajonova raislik qildi. Kun tartibidagi masalalar yuzasidan Reglament va deputatlik odob-axloqi masalalari bo‘yicha doimiy komissiya raisi Ilhomjon Abduraxmonov so‘zga chiqib, Xalq deputatlari Farg‘ona tuman Kengashi deputatlarining 7-chaqiriq davomida olib borgan faoliyati tahlil qilindi. Shuningdek, deputatlik faoliyatining ustuvor yo‘nalishlari bo‘yicha muhim tavsiyalar berildi. Yig‘ilish davomida kun tartibidagi masalalar atroflicha muhokama qilinib, tegishli qarorlar qabul qilindi. Shuningdek, navbatdagi sessiya kun tartibiga kiritilishi lozim bo‘lgan masalalar yuzasidan kelishuvlarga erishildi.