Учрашув давомида ёшларга ҳуқуқий маслаҳатлар берилди, уларнинг шахсий муаммолари тингланди ва ечимларга оид зарур тавсиялар билдирилди. Кун тартибидан ўрин олган яна бир муҳим йўналиш — Меҳнат ярмаркаси бўлиб, унда иштирок этган ёшлар қатори 2 нафар ёшга ишга жойлашиш юзасидан тегишли йўлланмалар тақдим этилди. Шу билан бирга, учрашув доирасида "кўчма тиббий хизмат" ҳам йўлга қўйилди. Натижада, 20 нафар ёш тиббий кўрикдан ўтиб, саломатлик ҳолати бўйича малакали шифокорлардан маслаҳатлар олдилар. Туман прокуратураси ташаббуси билан ташкил этилган мазкур тадбир ёшлар манфаатини ҳимоя қилиш ва уларга жамиятда муносиб ўрин топишларига ёрдам беришга қаратилган амалий қадамлардан бири бўлди.