Бағдод тумани прокуратурасидан А. Мансуров ҳамда туман Экология, атроф-муҳитни муҳофаза қилиш ва иқлим ўзгариши бўлими ходими Т. Бекназаров ҳамкорлигида Мурувват маҳалласи ҳудудида жойлашган оқова сувларни тозалаш иншоотида ўрганиш ишлари амалга оширилди. Ўрганиш жараёнида маҳалла аҳолиси томонидан кўтарилган эътирозларга сабаб бўлаётган ҳолатлар ўрганилиб, мавжуд муаммоларни бартараф этиш юзасидан мутасадди ташкилотлар масъулларига аниқ топшириқ ва кўрсатмалар берилди. Белгиланган чора-тадбирлар ижроси прокуратура органлари томонидан қатъий назоратга олинди.