Ўзбекистон Республикаси давлат мустақиллигининг 34 йиллиги муносабати билан Ўзбекистон Маданият вазирлигининг “Маданият карвони” ташаббуси асосида Бағдод туманига тантанали ташриф уюштирилди. Тадбир доирасида юртимизнинг таниқли эстрада юлдузлари, севимли санъаткорлари, сўз усталари ва ижодкорлар иштирокида байрам концерти бўлиб ўтди. Туман марказий ўйингоҳига йиғилган минглаб томошабинлар Анвар Ғаниев, Жасур Умиров, Сурайё Қосимова, Дилшодбек Каттабеков каби таниқли санъат вакилларининг чиқишларидан завқ олишди. Мазмунли томоша ва юксак кайфият буюк байрам тантанаси арафасида барчанинг ёдида сақланажак.