Бағдод туманида жойлашган “Бағдод дон маҳсулотлари” заводи сўнгги йилларда тўлиқ модернизация қилинди ва унумдор ишлаб чиқариш қувватига эга корхоналардан бирига айланди. Корхонага жами 40 миллиард сўмлик инвестиция киритилган бўлиб, унда Туркия давлатида ишлаб чиқарилган 1,5 миллион долларлик замонавий тегирмон ускуналари ўрнатилган. Маҳаллий бозорда ўз ўрнига эга бўлган “Бағдод унлари” бренди бугунги кунда кенг талабга эга маҳсулотлардан бири ҳисобланади. Туман ҳокими Ғанижон Солиев заводга ташриф буюриб, ишлаб чиқариш жараёнлари, технологик линиялар, маҳсулот сифати ҳамда логистика имкониятлари билан яқиндан танишди. 2025 йилда Бағдод туманида 7400 гектар майдонга ғалла экилиб, давлатга топшириш режаси ортиғи билан бажарилди. Бу эса ун ишлаб чиқарувчи корхоналарни хом ашё билан узлуксиз таъминлашда муҳим омил бўлди. Завод ҳудудида экологик барқарорликни таъминлаш мақсадида 2,5 миллиард сўмлик маблағ эвазига 500 кВтлик қуёш панеллари ўрнатилди.