Bag‘dod tumani hokimligi binosida yig‘ilish bo‘lib o‘tdi. Tuman hokimi Gʻanijon Soliyevning tegishli mas’ullar ishtirokida o‘tkazgan uchrashuvi davomida tashkiliy masala ko‘rib chiqildi. Yig‘ilishda Bag‘dod tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari — Iqtisodiyot va moliya bo‘limi boshlig‘i lavozimiga tayinlangan Qarabayev Sardorjon Muxamadjonovich keng jamoatchilikka tanishtirildi. Jarayonda uning mehnat faoliyati va kasbiy tajribasi haqida qisqacha ma’lumot berildi. Shuningdek, unga yangi lavozimida samarali faoliyat yuritib, yuksak natijalarga erishishi tilab qolindi.