Fermer opa paxta va g‘alladan har yili mo‘l hosil olib, ilm va ilg‘or texnologiyalarni keng joriy etmoqda. Xo‘jalik a’zolari salkam 50 gektar yerda paxta va g‘alla yetishtiradi. Bu yil tajriba tariqasida 6 gektar maydonda Xitoy paxta navi parvarishlanmoqda. Dalalarda hosil mo‘l. Shuningdek, asalarichilik va chorvachilik xo‘jalikning yana bir serdaromad tarmog‘i hisoblanadi. Dala qozoni uchun zarur bo‘ladigan barcha meva-sabzavotlar ham to‘liq o‘zlarida yetishtiriladi.